di Michelangelo La Rocca
Ti pensu sempri.
Ti pensu sempri,
t’aju davanti l’occhi
notti e jornu.
Provu pi tia
nna cosa granni,
cchiù granni da terra,
nna cosa funnuta,
cchiù funnuta du mari.
Quannu sugnu cu tia
mi scordu tutti i cosi,
l’anni, li jorna
e la malincunia!
A notti dormu,
sugnu cu l’occhi chiusi,
ma ti viu o stissu.
Viu i to occhi
e pensu a lu suli,
viu a to facci
e pensu a la luna,
ti viu tutta
e pensu a me… fortuna!
Nessun commento:
Posta un commento